ဂ့ၤန့ၢ် တၢ်မူ
လၢတၢ်တဆိကမိၣ်အပူၤ ယတၢ်အိၣ်ဆူၣ်အိၣ်ချ့နးထီၣ် ဒီးဘၣ်လဲၤခီဖျိကီကီခဲခဲဝံၤအလီၢ်ခံ ယပိာ်ထီၣ် ယဝၤအခံ ဃုာ်ဒီး ပှၤဂုၤပှၤဂၤတဖၣ် ဒီးပလဲၤ ဟးကသုၣ်ဆူ ကစၢၢ်ခိၣ်န့ၣ်လီၤ. ယထီၣ်ကစၢၢ်လၢဃီသွါသ့ၣ်ဘ့ၣ်ဘၣ်လိၤ ကယီၤကယီၤ ဆူသရိာ်ဆံးဖိတဖျၢၣ်လၢအိၣ်ဖဲကစၢၢ်ခိၣ်န့ၣ်လီၤ. လၢတၢ်ခံးကျါ ယအိၣ်ထဲတဂၤဧိၤဒီး ယဆ့ၣ်နီၤ လၢဃီသွါသ့ၣ်ဘ့ၣ်ဘၣ်အလိၤန့ၣ်လီၤ. ဖဲတၢ်သံကျံသီၣ်ထီၣ်အကတီၢ်န့ၣ် ယကတိၤကသွံလၢ “ယွၤဧၢ, မၤစၢၤယၤ”န့ၣ်လီၤ. ယလဲၤကယီၤကယီၤ တုၤယလဲၤတုၤဆူဒၢးဆံးဆံးဖိန့ၣ်လီၤ. လၢတၢ်တမုာ်တလၤအပူၤ ယသါထီၣ်သါလီၤ ဒီးစံးဘျုးယွၤလၢအနၢ်ဟူပှၤ လၢသ့ၣ်ပှၢ်ကျါန့ၣ်လီၤ.
လၢလံာ်စီဆှံတၢ်ကွဲးနီၣ်တဖၣ်အပူၤ တၢ်ဘူၣ်ထီၣ်ဘါထီၣ်ယွၤ လၢတၢ်ရ့လိာ်သးဒီးယွၤ ဘူးဘူးတံၢ်တံၢ်အကတီၢ်တဖၣ် အိၣ်ထီၣ်ဝဲအလီၢ်မ့ၢ် ဖဲပှၢ်မုၢ်ကနၢပူၤန့ၣ်လီၤ. ဖဲစီၤဒၤဝံးအိၣ်ခူသူၣ်လၢယူဒၤအပှၢ်မုၢ်ကနၢအပူၤ, ဘၣ်သ့ၣ်သ့ၣ်ကမ့ၢ်ဖဲ အဘၣ်ဃ့ၢ်ဝဲလၢအဖိခွါစီၤအးဘရှါလိၣ် အမဲာ်ညါအကတီၢ်န့ၣ် အဝဲသးဝံၣ်ထီၣ် “ယွၤဧၢ, နမ့ၢ်ယကစၢ်လီၤ. ယဃုနၤ ဂီၤဂီၤ, ယသးအံၤ သူအသးလၢနၤ, ယဖံးယညၣ်ဆၢန့ၢ်နၤ” လီၤ(စံး ၆၃:၁). အဝဲသ့ၣ်ညါပလၢၢ်ဘၣ်ဝဲ ယွၤအစိကမီၤဒီး အလၤကပီၤအဃိ အဝဲစံးဝဲလၢ “နဘျုးနဖှိၣ်ဂ့ၤန့ၢ်တၢ်မူတက့ၢ်လီၤ“ (:၃)န့ၣ်လီၤ. လၢတၢ်န့ၣ်အဃိ လၢပှၢ်မုၢ်ကနၢပူၤ ဒၣ်လဲာ် အဝဲဘူၣ်ထီၣ်ဘါထီၣ်ယွၤ တစိၤသးန့ၣ်လီၤ(:၂-၆). အဝဲစံး, “အဂ့ၢ်ဒ်အံၤ…
က့ၤဟ့ၣ်ကဒါက့ၤတၢ် ဆူကစၢ်ယွၤ
ဘၣ်တနံၣ်န့ၣ်, ပတၢ်အိၣ်ဖှိၣ်ခိၣ်နၢ်သ့ၣ်တဖၣ် ကွဲမုၥ်ပှၤလၢ ဒ်ပကထၢဖှိၣ်တၢ်ကိးနွံဒဲး ဒ်အညီနုၢ်အသိးအမဲာ်ညါ ပကဟ့ၣ်အါထီၣ် တၢ်မၤဘူၣ်- လၢတၢ်ကသူၣ်ထီၣ် (gym)တၢ်ဂဲၤဂ့ၤ က့ၢ်ဂီၤဒၢး တၢ်လီၢ်ပျီတခါ လၢကကဲထီၣ်တၢ်မၤစၢၤ ဒီးကမၤဘၣ် တၢ်သးခုကစီၣ် တၢ်မၤဆူ ပှၤတဝၢဖိအအိၣ်န့ၣ်လီၤ. မ့ၢ်လၢယအိၣ်ဒီးတၢ်လၢၥ်ဘူၣ်လၢၥ်စ့ၤ လၢကသံၣ်ကသီဒီး တၢ်အိၣ်ဆူၣ်အိၣ်ချ့အလဲသ့ၣ်တဖၣ်အဃိ ယသံကွၢ်ယဝၤသးဘိလၢ “မ့ၢ်နဆိကမိၣ်လၢ ပမၤကထီၣ်ဘးဧါ”န့ၣ်လီၤ. ယဝၤသးဘိ ကျၢၢ်ကျၥ်အခိၣ် ဒီးစံးဝဲဒၣ် “ဟ့ၣ်တၢ်အံၤ မ့ၢ်ဝဲဒၣ်ယွၤအတၢ်ခဲလၢၥ်တမ့ၢ်ဘၣ်ဧါ. အဝဲကဆီၣ်ထွဲမၤစၢၤတၢ်လၢ ပလိၣ်ဘၣ်ခဲလၢၥ်လီၤ.” ဒ်အစံးဝဲအသိး ပမၤထီၣ်ဘးဝဲန့ၣ်လီၤ. ဖဲတၢ်ဆၢကတီၢ်ပူၤကွံာ် အနံၣ်တဆံန့ၣ်, ပတၢ်အိၣ်ဖှိၣ် အိၣ်ဒီးခွဲးလီၤဆီလၢ ပမၤဘၣ်ကစၢ်ယ့ၣ်ရှုး ခီဖျိတိစၢၤမၤစၢၤဘၣ် ပှၤလၢအအိၣ်ဖဲလီၢ်ကဝီၤ လၢတၢ်အပိးအလီတခါအံၤန့ၣ်လီၤ.
ဖဲ ၁ ကွဲးနီၣ်တၢ် ၂၉, စီၤပၤစီၤဒၤဝံး နဲၣ်ဖျါထီၣ် အတၢ်အၢၣ်လီၤ ဘၣ်ဃးဒီး တၢ်ဆီၣ်ထွဲမၤစၢၤ စီၤရှလိၤမိၤ ဆူအံၣ်စရ့လးခိၣ်နၢ် သ့ၣ်တဖၣ်န့ၣ်လီၤ. စီၤရှလိၤမိၤ မ့ၢ်ယွၤအတၢ်ဃုထၢ လၢကဟံးန့ၢ်စီၤပၤအလီၢ် ဒီးကဘှီထီၣ် ကစၢ်ယွၤ တၢ်လုၢ်ဟံၣ်န့ၣ်လီၤ (:၁-၅). ပှၤကိးဂၤ မၤထွဲတၢ်ဒီး“မၤဘူၣ်တီနံဒၣ်တၢ်”…
တၢ်မ့ၢ်တၢ်တီန့ၣ် တဆီတလဲအသးနီတဘျီဘၣ်
ဖဲယဖိခွါ စ့ဘံၣ်ယၢာ် (Xavier) အသးစၢ်အကတီၢ်, အဝဲဒီးယၤ ပဖးဖိသၣ်အတၢ်တဲမုာ်နၢ်တယုၢ်ဘၣ်ထွဲဒီးဖိသၣ်ပိာ်ခွါတဂၤအဂ့ၢ်, လၢအပူထီၣ်ဝဲဒၣ်အသရၣ် ခီဖျိလၢတၢ်ကိးယုၢ်န့ၢ်ဝဲအထိၣ်ဒံးဘိတဘိန့ၣ်လီၤ. ကၠိဖိတဂၤအံၤ ကွဲန့ၢ်လွဲန့ၢ် အတံၤသကိး ပှၤလွံၢ်တီၤဖိတဖၣ် ဒ်သိးကစူးကါ ထိၣ်ဒံးဘိအမံၤအသီလၢအဝဲဒုးအိၣ်ထီၣ်ဝဲဒၣ်န့ၣ်လီၤ. တၢ်ကစီၣ်လၢသးစၢ်ပိာ်ခွါဖိ ဆီတလဲကိးဝဲ ထိၣ်ဒံးဘိအမံၤအဂ့ၢ်န့ၣ် ရၤလီၤအသးလၢ ဝ့ၢ်ဒီတဖျၢၣ်န့ၣ်လီၤ. တၢ်အကတၢၢ်လၢခံန့ၣ်, ပှၤအိၣ်ဆိးလၢထံကီၢ်ဒီတဘ့ၣ်အပူၤန့ၣ် ဆီတလဲဒီးကိးက့ၤထိၣ်ဒံးဘိတဖၣ်အမံၤ လၢအမံၤအသၣ်အဂၤန့ၣ်လီၤ. မ့ၢ်လၢသးစၢ်ပိာ်ခွါဖိ တဂၤဒုးအိၣ်ထီၣ်ဝဲ တၢ်အမံၤအသၣ်အံၤန့ၣ် ပှၤဂုၤပှၤဂၤတဖၣ် တူၢ်လိာ်ဝဲ ဒ်တၢ်မ့ၢ်တၢ်တီနီၢ်နီၢ်တမံၤလၢပှၤခဲလၢာ်အဂီၢ်န့ၣ်လီၤ.
လၢတၢ်စံၣ်စိၤတဲစိၤဒီစိၤအပူၤန့ၣ်, ပှၤဟီၣ်ခိၣ်ဖိတဖၣ်လၢ အအိၣ်ဒီးတၢ်လီၤတူာ်လီၤကာ်အါမးတဖၣ် တူၢ်လိာ်စူးကါဝဲ တၢ်ထံၣ်တၢ်ဆိကမိၣ်လၢ အဆီတလဲအသးထီဘိတဖၣ်, ဒ်တၢ်မ့ၢ်တၢ်တီနီၢ်နီၢ်အသိး, မ့တမ့ၢ် တၢ်မ့ၢ်တၢ်တီတဖၣ်လၢ နီၢ်တဂၤအဲၣ်ဒိးဝဲ, ဒ်သိးကမၤလၢပှဲၤအဝဲသ့ၣ်အတၢ်သးကွံ ,ဆၢမၤတၢ်တဖၣ်န့ၣ်လီၤ. ဘၣ်ဆၣ်, လံာ်စီဆှံ နဲၣ်ဃီၤဝဲဆူ တၢ်မ့ၢ်တၢ်တီတမံၤ, ကစၢ်ယွၤအမ့ၢ်အတီတဂၤအအိၣ်, ဒီးထဲဒၣ်ကျဲတဘိဧိၤအအိၣ်ဆူ တၢ်အုၣ်က့ၤခီၣ်က့ၤအကျဲ- မ့းရှံအၤ န့ၣ်လီၤ. ယရှါ ၄၀:၅ စံးဘၣ်ပှၤ ခီဖျိလၢ အီၤန့ၣ် “ယွၤအလၤကပီၤကဘၣ် တၢ်လီၣ်ဖျါထီၣ်” ဝဲဒၣ်န့ၣ်လီၤ. အဆၢဖိ ၆-၇…
ပပၢ်ကစၢ်ယွၤလၢ ပနာ်န့ၢ်အီၤသ့
ယဖိခွါစ့ဘံၣ်ယၤ (Xavier) အဂီၤထီဃုခီၣ်ယီၣ်ဒီးသၢစုမုၢ်ဒိၣ် စိာ်ကဖီထီၣ် အဖိဆံးဖိလၢဂဲၤဆၢထၢၣ်ဟးသ့သီသီ လၢ အနံၤဃဲးနံၤဃိး စ့ရံၣ်ယၢၣ် (Xarian) ဆူကလံၤကျါညီညီဖိန့ၣ်လီၤ. အဖိခွါအခီၣ်ဆံးဆံးဖိန့ၣ် ဟံးန့ၢ်ပာ်ဝဲလၢအစုဖးလဲၣ်, ဒီးဖီၣ်တဃးဝဲ ကျၢၤကျၢၤ လၢအစုညါသးအပူၤန့ၣ်လီၤ. အဝဲယူာ်ထီၣ်အစုဖးထီ, ဒီးဟ့ၣ်ဂံၢ်ဟ့ၣ်ဘါ အဖိခွါလၢ ကအိၣ်ထၢၣ်ဂၢၢ်အသးဒၣ်ဝဲဘၣ်ဆၣ်, ကတဲာ်ကတီၤပာ်အစုအဂၤတခီလၢ အလီၢ်မ့ၢ်အိၣ်ဒီး ကဖီၣ်န့ၢ်ဝဲ အဖိအဂီၢ်န့ၣ်လီၤ. စ့ရံၣ်ယၢၣ် မၤဘျၢအခီၣ်ဖိတဖၣ်ဒီး, ဂဲၤဆၢထၢၣ်ဝဲဒၣ်န့ၣ်လီၤ. လၢတၢ်နံၤကမှံဖးဒိၣ်, ဒီးပာ်လီၤစဲၤဝဲဒၣ် အစုဖိခံခီလၢအကပၤ, ဒီးအမဲာ်ချံဖိတဖၣ်န့ၣ် ကွၢ်လီၤဝဲဆူ အပၢ်အတၢ်ကွၢ်စူၣ်ထီအီၤန့ၣ်လီၤ.
ယရှါ ၂၆:၃ န့ၣ်, မ့ၢ်လၢ ပပညိၣ်ပာ်ဖှိၣ် ပတၢ်ထံၣ် ပတၢ်ဆိကမိၣ်တဖၣ်ဆူပပၢ်အိၣ်လၢမူခိၣ်အဃိ, ဝံယရှါယၤ တဲဖျါထီၣ် တၢ်အဘျုးတဖၣ်လၢပဂီၢ်, ဒီးစံးဝဲဒၣ် “ပှၤအသးလၢအသန့ၤအသးလၢနၤန့ၣ် နကပၢၤအီၤလၢတၢ်ဃူတၢ်ဖိးအလၢအပှဲၤ န့ၣ်လီၤ. အဂ့ၢ်ဒ်အံၤ, သန့ၤအသးလၢနၤလီၤ” န့ၣ်လီၤ. အဝဲဟ့ၣ်ဂံၢ်ဟ့ၣ်ဘါ ဒ်သိးယွၤအပှၤဂီၢ်မုၢ် ကပာ်လီၤအသးလၢ ကဃုထံၣ်န့ၢ်ယွၤ, လၢအကလုၢ်ကထါအပူၤ, ဒီးကရ့လိာ်အသးဒီးယွၤ, ခီဖျိလၢတၢ်ထုကဖၣ်, ဒီးတၢ်ဘူၣ်ထီၣ်ဘါထီၣ်ယွၤန့ၣ်လီၤ. ပှၤအိၣ်တီအိၣ်လိၤဒီးကစၢ်ယွၤတဖၣ်န့ၣ် ကလဲၤခီဖျိကလၢၢ်ဘၣ် တၢ်နာ်သန့ၤလီၤသးလၢကစၢ်ယွၤ,…
ယွၤစူးကါပတၢ်ဂ့ၢ်တၢ်ကျိၤတဖၣ်
ယအိးထီၣ်တၢ်သ့ၣ်နီၣ်အတလါ, ဒီးထုးထီၣ် စ့နီၣ်ဆဲး ဆ့ကိာ်လၣ်ဆံးဖိန့ၣ်လီၤ. နီၣ်ဆဲးဖိအံၤ အဒိၣ်အဆံးဒီးအက့ၢ်အဂီၤန့ၣ် ဘၣ်တီတီဒီးဖိသၣ်အိၣ် အနွံ တဆံလၢအတအိၣ်ဖျဲၣ်ထီၣ်ဒံးဘၣ်တဂၤအခီၣ်လၣ်န့ၣ်လီၤ. ယဖူးလဲးဖူးသွံ အခီၣ်ဘိဆံးဆံးဖိ အဘိတဆံ, ဒီးသ့ၣ်နီၣ်ထီၣ်က့ၤယဲလၢ ယဟုးယသးအဆိကတၢၢ်အဘျီ လီၤမၢ်ကွံာ်အဂ့ၢ်, ဒီးပှၤတနီၤစံးဝဲလၢ "ယဘူၣ်ယတီၢ်ဂ့ၤ" ဘၣ်ဆၣ်, ဒ်အဝဲသ့ၣ်စံးဝဲအသိး ယဘူၣ်ယတီၢ်တဂ့ၤဘၣ်. ယသူၣ်အုးသးအုး, ဒီးသ့ၣ်ညါလၢယဖိအခီၣ်လၣ်ဖိတဖၣ်န့ၣ် မ့ၢ်တၢ်နီၢ်နီၢ် ဒ်သးဖိတဖျၢၣ်လၢ တဘျီန့ၣ်စံၣ်ဝဲဒၣ်လၢ ယဒၢလီၢ်အပူၤအသိးန့ၣ်လီၤ. ယစံးဘျုးကစၢ်ယွၤလၢ အမၤပူၤဖျဲးယၤလၢ တၢ်သးလီၤအတၢ်ဆါ, ဒီးစူးကါယတၢ်လဲၤခီဖျိ ဒ်သိးယကမၤမုာ်ထီၣ်က့ၤ ပှၤဂၤလၢအသူၣ်အုးသးအုး, ခီဖျိလၢအဖိလီၤမၢ်ကွံာ်ဝဲတဖၣ်အဂီၢ်န့ၣ်လီၤ. ဖဲယဟုးယသး ဟးဂီၤဝံၤ, အါန့ၢ်အနံၣ်ခံဆံအလီၢ်ခံ, ယဝၤသးဘိဒီးယၤ ပယုၢ်န့ၢ်ပဖိလၢ အလီၤမၢ်တဂၤအံၤ အမံၤလၢ ခဲၣ် (Kai), ကျိာ်တၢ်ကတိၤတနီၤအပူၤ အခီပညီန့ၣ် မ့ၢ်ဝဲ "တၢ်သူၣ်ဖှံသးညီ" န့ၣ်လီၤ. လၢယတၢ်လီၤမၢ်အဂီၢ် ယသးဘၣ်ဒိဆါဒံးဝဲအဖၢမုာ်ဘၣ်ဆၣ်, ယစံးဘျုးယွၤလၢ အမၤဘျါက့ၤယသး, ဒီးစူးကါယတၢ်လဲၤခီဖျိလၢ ကမၤစၢၤပှၤဂၤအဂီၢ်အဃိန့ၣ်လီၤ.
ပှၤကွဲးထါစံးထီၣ်ပတြၢၤ ၁၀၇ သူၣ်ခုသးခုဝဲဒၣ်လၢ ယွၤအသူးသ့ၣ်ကံၢ်စီလၢ အဒိၣ်အထီ, ဒီးဖဲအဆၢဖိ ၁…
ကစၢ်ယွၤ နၢ်ဟူပကလုၢ်
တီၤဘျီကၠိဖိတဂၤ ကိးတၢ်ဆူလီပှံၤအနီၣ်ဂံၢ် ဘၣ်ထွဲဒီးဂ့ၢ်ဂီၤအူန့ၣ်လီၤ. ဖဲပှၤဘၣ်မူဘၣ်ဒါတဂၤ စံးဆၢအီၤန့ၣ်ဒီး, ပိာ်ခွါဖိအံၤ စံးဘၣ်အီၤ “ယလိၣ်ဘၣ်တၢ်မၤစၢၤ” န့ၣ်လီၤ. ဖဲပှၤဘၣ်မူဘၣ်ဒါ ကတဲာ်ကတီၤသးအဆၢကတီၢ်, နၢ်ဟူဝဲပိာ်မုၣ်တဂၤအကလုၢ်, ဒီးတဲဘၣ်ပိာ်ခွါဖိအံၤလၢ “ကၠီနံၣ်, မ့ၢ်နမၤတၢ်မနုၤန့ၣ်လဲၣ်” န့ၣ်လီၤ. ကၠီနံၣ် စံးဆၢက့ၤလၢ မ့ၢ်လၢဒွးဝဲလံာ်တၢ်ဒွးတဘၣ်အဃိ, ဒ်အမိၢ်စံးဘၣ်အီၤ,ဖဲလၢနလိၣ်တၢ်မၤစၢၤ နကိးဃ့တၢ်မၤစၢၤသ့ဝဲဒၣ်အဃိ, အဝဲကိးထီၣ်နီၣ်ဂံၢ် ၉-၁-၁ အံၤန့ၣ်လီၤ. ကၠီနံၣ် အဂီၢ်, မ့ၢ်ဂ့ၢ်ဂီၤအူအတၢ်လိၣ် နီၢ်နီၢ်န့ၣ်လီၤ. ပှၤလၢအသူၣ်ကညီၤသးကညီၤတၢ်တဂၤ, လၢအနၢ်ဟူဘၣ် ဖိသၣ်အတၢ်ဃ့အံၤအဂီၢ်န့ၣ်, မ့ၢ်အကတီၢ်လၢအကါဒိၣ်ကတၢၢ်, ဒ်သိးကမၤစၢၤဝဲဖိသၣ်အံၤန့ၣ်လီၤ.
စံး ၃၉:၄ န့ၣ် ပကထံၣ် ပှၤကွဲးထါစံးထီၣ်ပတြၢၤ, စီၤဒၤဝံး, ဖဲအလိၣ်ဘၣ်တၢ်မၤစၢၤအကတီၢ်, စံးဝဲ, "ယွၤဧၢ, ဘိးဘၣ်သ့ၣ်ညါယၤလၢ ယကတၢၢ်, ဒီးယမုၢ်နံၤတဖၣ်အတၢ်ပှဲၤအံၤပှဲၤနုၤ မ့ၢ်အဆံးအါလဲၣ်န့ၣ်တက့ၢ်" န့ၣ်လီၤ. အဆၢဖိ ၇ န့ၣ် စံးဝဲလၢ, “ကစၢ်ဧၢ, ယမုၢ်လၢ်တၢ်လၢနၤလီၤ.” လၢတၢ်န့ၣ်အဃိ, အဆၢဖိ ၁၂ န့ၣ် စီၤဒၤဝံး ဃ့ကညးဝဲလၢ ကစၢ်ယွၤ…
လီၤဂာ်အါထီၣ်ဒီး ကစၢ်ယ့ၣ်ရှူး
ယွၤတ့လီၤဝဲဒၣ် ဒိကအိ ဝါဃးဖးဒိၣ်, အိၣ်ဒီးအတၢ်သ့စဲၣ်နီၤလၢ မၤဘၢမၤတဒၢအသးန့ၣ်လီၤ. စ့အလွဲၢ်ဝါဃး အဆူၣ်အဒံးတဖၣ်န့ၣ် အိၣ်ဒီးအလွဲၢ်က့ၢ်ဂီၤဖိတဖၣ်လၢအပျဲ ကမၤတၢ်ဃါဃုာ်အသးဒီးသ့ၣ်အဖံးတဖၣ် ဖဲအစီၢ်လီၤဝဲလၢ သ့ၣ်အလိၤန့ၣ်လီၤ. ဖဲဒိကအိတဖၣ်အံၤ မ့ၢ်တအဲၣ်ဒိး တၢ်ထံၣ်အီၤဘၣ်န့ၣ်ဒီး, အိၣ်ခူသူၣ်ဝဲလၢ ပှၤထံၣ်အီၤညီအလီၢ်, အိၣ်တဒၢဃါဃုာ်အသးဒီး တၢ်လီၢ်ဘၢၣ်ကဝီၤ ခီဖျိလၢအဆူၣ်အဒံးအလွဲၢ်လၢ အမၤလီၤဂာ်လီၤဘၢတၢ် အတၢ်မၤစၢၤန့ၣ်လီၤ.
ဘၣ်တဘျီဘျီန့ၣ်, ယွၤအပှၤကညီတဖၣ် လီၤဂာ်ဒ်ဒိကအိဝါဃးဖးဒိၣ်အံၤန့ၣ်လီၤ. လၢအအိၣ်ဒီးတၢ်တိာ် မ့ၢ်ဂ့ၤ, လၢအတအိၣ်ဒီး တၢ်တိာ် မ့ၢ်ဂ့ၤ, ပအိၣ်မူကျဲၣ်ကျီလၢဟီၣ်ခိၣ်, ဒီးတဘၣ်တၢ်သ့ၣ်ညါနီၣ်ပှၤ ဒ်ပှၤစူၢ်က့ၤနာ်က့ၤကစၢ်ခရံာ်တဖၣ်အသိးဘၣ်န့ၣ်လီၤ. ယိၤ ၁၇:၆ အပူၤန့ၣ် ကစၢ်ယ့ၣ်ရှူးဃ့ထုကဖၣ်တၢ်လၢ အပျဲၢ်အဘီၣ်တဖၣ်-လၢပၢ်ယွၤ ဟ့ၣ်လီၤအီၤ, “လၢဟီၣ်ခိၣ်ဖိအကျါ” ပှၤလၢ “အတိၢ်န့ၢ်လံ” ယွၤအကလုၢ်ကထါန့ၣ်လီၤ. အဆၢဖိ ၇-၁၃ ပာ်ဖျါဝဲ ဖဲလၢကစၢ်ယ့ၣ်ရှူး ပာ်လီၤတဲာ်တ့ၢ် အဝဲသ့ၣ် အကတီၢ်န့ၣ်, ဒ်သိးအပျဲၢ်အဘီၣ်တဖၣ် ကအိၣ်မူအိၣ်ဂဲၤ လၢတၢ်စီတၢ်ဆှံ, ဒီးကပၢၤဃာ် တၢ်သးခုစွံကတုၤအဂီၢ်, ဖိခွါကစၢ်ခရံာ် ဃ့ဝဲ ပၢ်ကစၢ်ယွၤ လၢကဒီတဒၢ, ဒီးကဟ့ၣ်စိဟ့ၣ်ကမီၤ အပျဲၢ်အဘီၣ်တဖၣ်အဂီၢ်န့ၣ်လီၤ.…
တၢ်အဲၣ်တၢ်ကွံ လၢအအိၣ်ဒီးတၢ်မၤ
သးပှၢ်ပိာ်ခွါတဂၤ အဟံၣ်ဃၢၤန့ၣ် မိၢ်လၢအဝၤတအိၣ်တဂၤ အိၣ်ဆိးဝဲဒၣ် အါန့ၢ်ယဲၢ်နံၣ်လံန့ၣ်လီၤ. ဘၣ်တနံၤန့ၣ် ပိာ်မုၣ်အတၢ်အိၣ်ဆိး အတၢ်အိၣ်မူအတၢ်ဂ့ၤတၢ်ဝါအဂီၢ် ပှၤသးပှၢ်အံၤ ဘၣ်ယိၣ်ဝဲအဃိ လဲၤစံၢ်ဝဲ ပိာ်မုၣ်အဟံၣ်တြဲၤအဒၢလွဲၢ်ဖိ ဒီးစံးဝဲ, “ယတထံၣ်ဘၣ်နၤ အိၣ်တနွံလံ. ယဟဲသံကွၢ်နၤ မ့ၢ်နအိၣ်မုာ်ကစီဒီဧါန့ၣ်လီၤ.” ပှၤသးပှၢ်တဂၤအံၤ အတၢ်ဟဲသံကွၢ်အီၤန့ၣ် ကဲထီၣ် တၢ်ဂံၢ်တၢ်ဘါလၢ ပိာ်မုၣ်အံၤအဂီၢ်န့ၣ်လီၤ. ဖဲအသးစၢ် အကတီၢ်, မ့ၢ်လၢအပၢ်တအိၣ်လၢၤဘၣ်အဃိ, စံးဘျုးစံးဖှိၣ်ဘၣ်ဝဲလၢ အအိၣ်ဒီးသးပှၢ်သူၣ်ဂ့ၤသးဝါတဂၤအံၤ လၢအကွၢ်ထွဲအီၤ, ဒီးကွၢ်ထွဲအပှၤဟံၣ်ဖိအဃိန့ၣ်လီၤ.
တၢ်အဲၣ်တၢ်သးကညီၤအတၢ်ဟ့ၣ်လၢ ပဟ့ၣ်ကလီအီၤ, ဒီးလၢပှၤဒိးန့ၢ်တၢ်အဂီၢ်န့ၣ် မ့ၢ်တၢ်လုၢ်ဒိၣ်ပှ့ၤဒိၣ်တမံၤအံၤ ဖဲအလဲၤတလၢကွံာ် တၢ်သူၣ်ဂ့ၤသးဝါအကတီၢ်န့ၣ်, ပစံးအီၤသ့လၢ, ပမၤတၢ်ခ့တၢ်ပှၤအတၢ်မၤလၢပှၤဂၤအဂီၢ်, ခီဖျိတၢ်နီၤဟ့ၣ် ကစၢ်ခရံာ်အတၢ်အဲၣ်ဆူအဝဲသ့ၣ်အအိၣ်န့ၣ်လီၤ. ပှၤကွဲးလံာ် စံးဝဲဒၣ်လၢ ဧ့ၤဘြံၤ ၁၃:၁၅ အပူၤ, ပှၤလၢအစူၢ်က့ၤနာ်က့ၤကစၢ်ယ့ၣ်ရှူးတဖၣ်န့ၣ် ကြၢး “ပာ်ထီၣ်တၢ်လုၢ်စံးထီၣ်ပတြၢၤယွၤတဘိယူၢ်ဃီ ဒ်ပစံးတၢ်အသိး, ပထးခိၣ်အတၤသၣ်လၢ တၢ်အၢၣ်လီၤအီလီၤအမံၤ” န့ၣ်လီၤ. ဝံၤန့ၣ်ဒီး, ပှၤကွဲးလံာ် မၤလိာ်အဝဲသ့ၣ်လၢ ကအိၣ်မူပိာ်ထွဲ အတၢ်စူၢ်တၢ်နာ်အခံ, ဒီးအဆၢဖိ ၁၆ န့ၣ် စံးဝဲ,…
နီၣ်တိၤတဲာ် (Hyphen) လၢအိၣ်ပှဲၤဒီးအခီပညီ
လၢတၢ်မၤလၤကပီၤ ယမိၢ်အသးသမူလၢခံကတၢၢ် တၢ်ဘူၣ်တၢ်ဘါအဂီၢ်န့ၣ်, ယကတဲာ်ကတီၤယသး, ဒ်သိးယကပာ်ဖျါ အသးသမူ, "စးထီၣ်လၢ အအိၣ်ဖျဲၣ်ထီၣ်နံၤတုၤအလဲၤပူၤကွံာ် ဟီၣ်ခိၣ်" (Hyphen years) အဂ့ၢ်န့ၣ် ယဃ့ထုကဖၣ်လၢ ယတၢ်စံးကတိၤ ကလဲၤအသးဂ့ၤဂ့ၤဘၣ်ဘၣ်အဂီၢ်န့ၣ်လီၤ. ယကွၢ်ထံဆိကမိၣ်က့ၤ ယမိၢ်ဒီးယၤ ပတၢ်ဘၣ်ထွဲလိာ်သး အကတီၢ်လၢအဂ့ၤတဖၣ်, ဒီးအတဂ့ၤကဲၣ်ဆိးတဖၣ်န့ၣ်လီၤ. ဖဲယမိၢ်ထံၣ် ကစၢ်ယ့ၣ်ရှူးဆီတလဲသးဝံၤအလီၢ်ခံ, မုၢ်နံၤလၢ ယမိၢ်တူၢ်လိာ် ကစၢ်ယ့ၣ်ရှူး ဒ်အမ့ၢ် တၢ်အုၣ်ခီၣ်ကစၢ်အဃိ ယစံးထီၣ်ပတြၢၤယွၤန့ၣ်လီၤ. ဒ်သိးပကဒိၣ်ထီၣ်သကိး လၢတၢ်စူၢ်တၢ်နာ်အပူၤအဂီၢ် ယွၤမၤစၢၤပဝဲခံဂၤ, ဒီးပှၤသ့ၣ်တဖၣ်လၢဟ့ၣ်ခီဟ့ၣ်နီၤလီၤတၢ်ဂ့ၢ် ဘၣ်ထွဲဒီး ယမိၢ်ဟ့ၣ်ဂံၢ်ဟ့ၣ်ဘါ, ဒီးဃ့ထုကဖၣ်တၢ်လၢ အဝဲသ့ၣ်အဂီၢ်အဃိ, ယစံးဘျုးဘၣ်ကစၢ်ယွၤန့ၣ်လီၤ. ယမိၢ်န့ၣ် တမ့ၢ်ပှၤလၢပှၤပှဲၤတဂၤဘၣ်ဆၣ်, မုာ်လၤသးခုဘၣ်ဝဲ နီၣ်တိၤတဲာ် (-), လၢအမ့ၢ် အတၢ်အိၣ်ဖျဲၣ်ထီၣ်ဒီးအတၢ်သံအဘၢၣ်စၢၤဖိအံၤ, လၢအအိၣ်ပှဲၤဒီးအခီပညီအဃိ, အတၢ်အိၣ်မူန့ၣ် အိၣ်မူကဲဘျုးဝဲဂ့ၤဂ့ၤဘၣ်ဘၣ် လၢကစၢ်ယ့ၣ်ရှူးအဂီၢ်န့ၣ်လီၤ.
ပှၤလၢအစူၢ်က့ၤနာ်က့ၤ ကစၢ်ယ့ၣ်ရှူးတဖၣ်အကျါ ပှၤလၢပှၤပှဲၤ တအိၣ်နီတဂၤဘၣ်. ဘၣ်ဆၣ်, ကလီး ၁:၁၀ စံးဘၣ်ပှၤ “ဒ်သိးသုကလဲၤတၢ် ဒ်အကြၢးဒီးကစၢ်, လၢတၢ်ဘၣ် အသးခဲလၢာ်သတးဒီး”…
ယွၤအတၢ်ဟ့ၣ်လၢအလဲလိာ်တၢ်အိၣ်မူ
ဖဲယဝၤသးဘိဒီးယၤ ပဟ့ၣ်နီၤလီၤ လံာ်စီဆှံတဖၣ်အဆၢကတီၢ်န့ၣ်, ယဟံးစုကွၢ်မဲာ် ပပှၤသးစၢ်တဖုန့ၣ်လီၤ. ယစံးဘၣ်အဝဲသ့ၣ်လၢ, “သုတၢ်အိၣ်မူ ကလဲလိာ်သးအဂီၢ် ယွၤကစူးကါ တၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်အံၤန့ၣ်လီၤ.” မုၢ်တနၤအံၤန့ၣ်, ကၠိဖိတနီၤအသူၣ်ဆူၣ်သးဆူၣ်အၢၣ်လီၤဝဲလၢ ကဖးသကိးတၢ်သးခုအကစီၣ် အလံာ်ယိၤဟၣ် ဒီတဘ့ၣ်န့ၣ်လီၤ. ဖဲပသိၣ်လိအဝဲသ့ၣ် တနွံတဘျီ တၢ်ထံၣ်လိာ်သးအဆၢကတီၢ်, ပကွဲမုာ်အဝဲသ့ၣ် ကဖးသကိးလံာ်စီဆှံ ဆူညါလၢပဟံၣ်န့ၣ်လီၤ. အနံၣ်တဆံဘျဲၣ်အလီၢ်ခံ, ယထံၣ်လိာ်သးဒီး ပပှၤကၠိဖိတဖၣ်အကျါတဂၤန့ၣ်လီၤ. အဝဲစံးဝဲဒၣ်လၢ “လံာ်စီဆှံလၢနဟ့ၣ်ယၤန့ၣ်, ယစူးကါဒံးယဲ အဖၢမုၢ်လီၤ.” ယထံၣ်ဘၣ်တၢ်အုၣ်သးနီၢ်နီၢ်လၢ ကၠိဖိမုၣ်တဂၤအံၤ အတၢ်အိၣ်မူပူၤ အိၣ်ပှဲၤဒီးတၢ်စူၢ်တၢ်နာ်န့ၣ်လီၤ.
အပှၤဂီၢ်မုၢ်အဂီၢ် ယွၤဟ့ၣ်လီၤသးအစိကမီၤ လၢအကမၤတၢ်အါန့ၢ်ဒံး တၢ်ဖး, တၢ်တိၢ်ရူး, ဒီးတၢ်သ့ၣ်နီၣ်ကဘၣ်ဃုလံာ်စီဆှံအဆၢဖဲလဲၣ်န့ၣ်လီၤ. ဒ် စံး ၁၁၉:၉ စံးဘၣ်ပှၤ, ယွၤမၤစၢၤပှၤ လၢတၢ်မၤကဆှီပကျဲ ခီဖျိလၢတၢ်အိၣ်မူပိာ်ထွဲ ဒ်ကစၢ်ယွၤ အကလုၢ်ကထါအသိးန့ၣ်လီၤ. အဆၢဖိ ၁၀-၁၃ ပာ်ဖျါဝဲ, ဒ်အဝဲစူးကါဝဲ အတၢ်မ့ၢ်တၢ်တီလၢအတလဲလိာ်အသး, လၢအမ့ၢ် တၢ်မၤထူၣ်ဖျဲးပှၤလၢတၢ်ဒဲးဘး, ဒီးကဆီတလဲပသးအဂီၢ်, ယွၤအဲၣ်ဒိး ပကဃုအီၤ ဒီးဒိကနၣ်အီၤန့ၣ်လီၤ. အဆၢဖိ ၁၂-၁၃…